Suodjalanguovlostivra čađaha jahkásaš doaibmabijuid nugo seailluheami, diehtojuohkima ja láhčima. Stivrras lea čállingoddi mas leat guokte suodjalanguovlohálddašeaddji geain lea kantuvra Ivgumuotkkis. Hálddašeaddjit leat maiddái Fálá-Ruoppá suodjalanguovlostivrra čállingoddi.

Rámmat das mo guovlu galgá hálddašuvvot, leat suodjalanláhkaásahusas. Dasa lassin lea ráhkaduvvon hálddašanplána mii láidesta mo suodjalanláhkaásahusa galgá dulkot. Hálddašanplánas leat čielggadeamit iešguđetlágan geavaheaddjiberoštumiid hárrái, ja doppe lea konkretiserejuvvon mii lea lohpi ja ii leat lohpi.

Suodjalanulbmil ja suodjalanláhkaásahus dat mearrida maid aktivitehtaid ja doaibmabijuid sáhttá dohkkehit guovllus, ja guovlu galgá hálddašuvvot dakko gokko geavaheapmi ja suodjaleapmi deaivvadeaba.

Máŋgga sajis suodjemeahcis lea hui várddus. Govven: Oddrun Skjemstad

SNO bidjamin galledeaddjilohkki bálgá ala. Govven: Oddrun Skjemstad

Stáhta luonddubearráigeahčču

Hálddašaneiseváldi bargá lávga ovttas Stáhta luonddubearráigeahčuin, gii bearráigeahččá suodjalanguovllu. Luonddubearráigeahču bargu lea bearráigeahččan stáhtalaš luonddubearráigeahččama láhkavuođu vuođul. Ulbmil lea áimmahuššat nationála birasárvvuid ja eastadit birasrihkolašvuođa. Bearráigeahčču čađaha maiddái seailluhan-, registreren- ja láhčinbargguid ja bargá maiddái diehtojuohkimiiguin ja luonddubagadallamiin.

Gávdnojit olu eará suodjalanguovllut suodjemeahci lahka. Vuolábeale guovlluid hálddaša Ittugáissáid suodjalanguovlostivra:

Loddevákki luonddumeahcci

Årøyhomen suodjemeahcci oktan ealliráfáidahttinmearrádusain

Gárnjárgga luonddumeahcci

Stormyra luonddumeahcci

Ittarvuona luonddumeahcci

Eará suodjalanguovlluid lahkosis hálddašit juogo eará álbmotmeahcce-/suodjalanguovlostivrrat dahje Romssa ja Finnmárkku Stáhtahálddašeaddji.

Beaiveloddi suotnjoruškki alde. Govven: Oddrun Skjemstad.