Friddjavuohta ovddasvástádusain
Olgunastin lea buorre oassi norgga identitehtas. Mis lea don doloža rájes riekti johtit vuvddiin ja mehciin, johkaráiggiid, jávrriin, báktesulluin ja váriin. Nu guhká go olmmoš vuhtiiváldá luonddu ja váldá mielde doabbariid, de buohkaidriekti fuolaha ahte don beasat vánddardit luonddus nu mo háliidat.
Buohkaidrievtti váldoprinsihpat leat mearriduvvon 1957 olgunastinlágas. Vuođđonjuolggadus lea: Ane fuola luonddu, priváhta eatnamiin ja eará vánddardeddjiin. Ale bilit maidege, ja guođe luonddu nu, mo don ieš háliidat oaidnit dan.
Gurgela. Govven: Oddrun Skjemstad
Bánnogáhkut váris lea luksus. Govven: Tine Marie Hagelin
Buohkaidrievtti vejolašvuođat ja njuolggadusat:
Sáhtát teltet dahje oađđit olgun gos ihkinassii meahcis. Várut ahte it bilit šaddivuovddi go teltet. Badjosiin ja meahcis guhkkin eret dáluin sáhtát teltet unnimusat 150 mehtera lagamus dálus dahje barttas go leat olbmot. Don sáhtát teltet eanemusat 2 jándora seamma sajis. Don sáhtát teltet guhkit go guokte jándora jus leat badjosiin dahje guhkkin eret čoahkkebáikkiin. Gittiin sáhtát dušše teltet jus leat ožžon lobi eanaeaiggádis, dahje eatnama geavaheaddjis.
Lea dolastallangielddus cuoŋománu 15.b. rájes gitta čakčamánu 15.b. rádjai, muhto lea lohpi dolastallat dakkár sajiin gos ii leat nu buollinvárra, nugo čáhcegáttis. Jus dolastalat fiervvás, de ale cahkket dola njuolga lássá ala go dat sáhttá luoddanit. Galggat leat várrugas muoraiguin go leat ohcamin muoraid dollii, geavat goikerissiid. Ale goassige guođe dola ovdal go leat oalát čáskadan dan. Muitte čorget iežat maŋis ovdal go manat.
Meahcis sáhtát vázzit, čuoigat, riidet dahje sihkkelastit bálgáin ja máđijain. Sáhtát maiddái meallut, suhkat ja borjjastit. Sáhtát čoaggit murjjiid, guobbariid, liđiid ja luođuurtasiid ruohttasiid. Oahpa suodjalannjuolggadusaid jus leat luonddugáhttenguovllus, ale ge čoakke áitojuvvon ja ráfáidahtton šaddošlájaid.
Sáhtát bivdit mearaguliid birra jagi, sihke fatnasis ja gáttis, nu guhká go bivddát alccesat. Jus áiggut bivdit luosa, guvžžá ja vallasa jogain ja čázádagain, de fertet máksit guolledivatmávssu stáhtii ja dábálaččat oastit bivdokoartta eanaeaiggádis.
Strupbreen. Govven: Tine Marie V. Hagelin
Beatnagiiguin vázzimin Jiehkkejávrris. Govven: Oddrun Skjemstad